തിരുവനന്തപുരം: ആലപ്പുഴയിൽ വെച്ച് നവംബർ 15, 16, 17, 18 തീയതികളിൽ നടക്കുന്ന സംസ്ഥാന സ്കൂൾ ശാസ്ത്രോത്സവത്തിന്‍റെ ലോഗോ പ്രിന്‍സിപ്പല്‍ സെക്രട്ടറി റാണി ജോര്‍ജ് ഐ.എ.എസ്.
വിദ്യാഭ്യാസ വകുപ്പ് മന്ത്രി വി ശിവന്‍കുട്ടിക്ക് കൈമാറി പ്രകാശനം ചെയ്തു. എസ്.ജി.ഒ.യു തലശ്ശേരി ബ്രണ്ണന്‍ കോളേജ് അവസാന വര്‍ഷ എം.എ ഇംഗ്ലീഷ് വിഭാഗം വിദ്യാര്‍ത്ഥി റജൂണ്‍ രമേഷ് രൂപ കല്‍പന ചെയ്ത സൃഷ്ടിയാണ് തിരഞ്ഞെടുക്കപ്പെട്ടത്. മുന്‍പ് നവമാധ്യമ പ്രചരണാര്‍ത്ഥം സംസ്ഥാന തലത്തില്‍ കെ.എസ്.ഇ.ബി നടത്തിയ പോസ്റ്റര്‍ രചന മത്സരത്തിലും കണ്ണൂര്‍ സ്വദേശിയായ റജൂണ്‍ രമേഷ് ഒന്ന്,രണ്ട് സ്ഥാനങ്ങളും ജൂറി അവാര്‍ഡും നേടിയിരുന്നു.
ചടങ്ങില്‍ ശ്രീ ജീവന്‍ ബാബു കെ. ഐ.എ.എസ് ഡയറക്ടർ ഓഫ് ജനറല്‍ എഡ്യുകേഷന്‍ ഡിപാര്‍ട്ട്മെന്‍റ്, സന്തോഷ് സി.എ അഡീഷണല്‍ ഡയറക്ടർ ഓഫ് ജനറല്‍ എഡ്യുക്കേഷന്‍ (അക്കാദമിക്), ശ്രീ ഷിബു ആര്‍.എസ് അഡീഷണല്‍ ഡയറക്ടർ ഓഫ് ജനറല്‍ എഡ്യുക്കേഷന്‍ (ജനറല്‍), ധന്യ ആര്‍ കുമാര്‍ (ഡെപ്യൂട്ടി ഡയറക്റ്റര്‍ ഓഫ് ജനറല്‍ എഡ്യുക്കേഷന്‍), തമീമുദ്ദീന്‍ ജനറല്‍ സെക്രട്ടറി ഓഫ് കെ.എ.എം.എ എന്നിവര്‍ പങ്കെടുത്തു
