മട്ടന്നൂർ: കണ്ണൂർ അന്താരാഷ്ട്ര വിമാനത്താവളത്തിൽ നിന്നും ഇൻഡിഗോ എയർലൈൻസ് പ്രഖ്യാപിച്ച കണ്ണൂർ-ഡൽഹി പ്രതിദിന റൂട്ടിൽ ബുക്കിങ് ആരംഭിച്ചു. വിന്റർ ഷെഡ്യൂളിൽ പ്രഖ്യാപിച്ച സർവീസ് ഡിസംബർ 11 മുതലാണ് ആരംഭിക്കുന്നത്. ഇൻഡിഗോ എയർലൈൻസിന്റെ 180 യാത്രക്കാരെ ഉൾക്കൊള്ളുന്ന എയർബസ് 320 വിമാനമാണ് സർവീസ് നടത്തുന്നത്.
5300 മുതൽ ആയിരിക്കും ടിക്കറ്റ് നിരക്ക്. എല്ലാദിവസവും രാത്രി 10.10ന് ഡൽഹിയിൽ നിന്നും പുറപ്പെടുന്ന ഫ്‌ളൈറ്റ് നമ്പർ 6 ഇ 358 വിമാനം പുലർച്ചെ 1.20ന് കണ്ണൂരിൽ എത്തിച്ചേരും. തിരിച്ച് ഫ്‌ളൈറ്റ് നമ്പർ 6 ഇ 2173 വിമാനം രാവിലെ 6.20ന് കണ്ണൂരിൽ നിന്ന് പുറപ്പെട്ട് 9.25ന് ഡൽഹിയിൽ എത്തിച്ചേരും.
