കണ്ണൂർ: സൈനിക സേവനത്തിന് താൽപര്യമുള്ള യുവാക്കൾക്കായി ടീം കണ്ണൂർ സോൾജിയേഴ്സ് അക്കാദമി നൽകുന്ന സൗജന്യ റിക്രൂട്മെന്റ് പരിശീലനത്തിന്റെ രണ്ടാം ബാച്ചിലേക്ക് ഉദ്യോഗാർഥികളെ തിരഞ്ഞെടുക്കാൻ പ്രീ റിക്രൂട്മെന്റ് റാലി നടത്തും.
റിക്രൂട്മെന്റിന് ആവശ്യമായ അടിസ്ഥാന മാനദണ്ഡങ്ങൾ കണക്കിലെടുത്താണ് പ്രവേശനം. ജില്ലയിലെ പ്രധാന കേന്ദ്രങ്ങൾ കേന്ദ്രീകരിച്ചായിരിക്കും രണ്ടാം ബാച്ചിലേക്കുള്ള പരിശീലനം.
17ന് രാവിലെ ഏഴിന് ധർമശാല ഗവ. എൻജിനീയറിങ് കോളജ് ഗ്രൗണ്ട്, 24ന് രാവിലെ ഏഴിന് പയ്യന്നൂർ ബോയ്സ് ഹൈസ്കൂൾ, ഇരിട്ടി എം ജി കോളജ് ഗ്രൗണ്ട് (കിഴൂർ കുന്ന്) എന്നിവിടങ്ങളിലാണ് പ്രീ റിക്രൂട്മെന്റ് റാലി നടത്തുന്നത്.
ഫോൺ: 9447070013
