കണ്ണൂർ: പതിനഞ്ചുകാരിയെ പീഡനത്തിനിരയാക്കിയ സംഭവത്തില് 54 വയസ്സുകാരന് 41 വർഷം തടവും 1.25 ലക്ഷം രൂപ പിഴയും വിധിച്ചു.കുടിയാൻമല ചെറിയ അരീക്കമല എരുവേശി കോട്ടക്കുന്ന് ഇഞ്ചയില് ഷാജി മാത്യുവിനെയാണ് തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാജേഷ് ശിക്ഷ വിധിച്ചത്.
2018 ഏപ്രില് എട്ടിനാണ് പ്രസ്തുത സംഭവം നടന്നത്. കുടിയാൻമല പൊലീസാണ് പ്രതിയെ അറസ്റ്റ് ചെയ്ത് കുറ്റപത്രം സമർപ്പിച്ചത്. വാദി ഭാഗത്തിന് വേണ്ടി സ്പെഷല് പബ്ലിക് പ്രോസിക്യൂട്ടർ ഷെറി മോള് ജോസ് ഹാജരായി.
