കണ്ണൂർ : വയനാട് പ്രകൃതി ദുരന്തത്തില് കിടപ്പാടംനഷ്ടപെട്ടവർക്കായി രണ്ട് വീട് നിർമ്മിച്ച് നല്കാൻ കണ്ണൂർ ജില്ലാ ലൈബ്രറി കൗണ്സില് തീരുമാനിച്ചു.കണ്ണൂർ ജില്ലയുടെ രണ്ട് വീട് ഉള്പ്പെടെ സംസഥാന ലൈബ്രറി കൗണ്സില് 12 വീടുകള് നിർമ്മിച്ച് നല്കുമെന്ന് നേരത്തെ അറിയിച്ചിരുന്നു. പ്രസിഡന്റ് മുകുന്ദൻ മഠത്തില് യോഗത്തില് അദ്ധ്യക്ഷത വഹിച്ചു. ജില്ലാ സെക്രട്ടറി പി.കെ. വിജയൻ സംസ്ഥാന എക്സിക്യൂട്ടീവ് അംഗം എം.കെ.രമേശ്കുമാർ വൈസ് പ്രസിഡന്റ്, ടി.പ്രകാശൻ, ജില്ലാ ജോയിന്റ് സെക്രട്ടറി വി.കെ.പ്രകാശിനി എം.ബാലൻ, ഇ.പി.ആർ. വേശാല, പവിത്രൻ മൊകേരി, വി.സി അരവിന്ദാക്ഷൻ, വൈ.വി.സുകുമാരൻ, രഞ്ജിത്ത് കമല് എന്നിവർ സംസാരിച്ചു. പശ്ചിമ ബംഗാള് മുഖ്യമന്ത്രി ബുദ്ധദേവ് ഭട്ടാചാര്യയുടെയും സാഹിത്യകാരൻ കൈനകരി സുരേന്ദ്രന്റെയും വിയോഗത്തില് യോഗം അനുശോചിച്ചു.
