ട്രോളിംഗ് നിരോധനത്തിന് പിന്നാലെ കുതിച്ചുയര്ന്ന മത്സ്യവില കുറഞ്ഞു തുടങ്ങിയാതായി റിപ്പോർട്ട്. 400 രൂപയിലധികം ഉയർന്ന മത്തി വില കൊല്ലം ജില്ലയിലെ വിപണികളിൽ ഇപ്പോൾ 240 രൂപയായി കുറഞ്ഞിട്ടുണ്ട്. ഒരാഴ്ചയ്ക്കിടെ മത്സ്യലഭ്യതയില് ഉണ്ടായ വര്ധനയാണ്ഉ ഇപ്പോൾ വില കുറയാൻ കാരണമായത്. ഇതോടെ മത്തി ആരാധകരുടെ ഏറെ നാളായുള്ള സങ്കടമാണ് അവസാനിച്ചിരിക്കുന്നത്.
നെത്തോലിക്കും കൊല്ലം ജില്ലയിലെ മാർക്കറ്റുകളിൽ 30 മുതൽ 40 രൂപ വരേക്ക് കുറഞ്ഞിട്ടുണ്ട്. മത്സ്യ ലഭ്യത കൂടിയതോടെ കിളിമീന് 160 മുതൽ 200 വരേയും ചൂര 150 മുതൽ 200 വരേയും ചെമ്മീന് 320 മുതൽ 380 വരേയും കുറഞ്ഞിട്ടുണ്ട്. ട്രോളിംഗ് നിരോധന കാലത്ത് പരമ്പരാഗത വള്ളങ്ങൾക്ക് മാത്രമാണ് മത്സ്യബന്ധനത്തിന് പോകാനുള്ള അനുമതിയുണ്ടായിരുന്നത്. ഇതോടെയാണ് ചെറുവള്ളങ്ങളിൽ പിടിച്ചുകൊണ്ടു വരുന്ന മത്തിക്ക് 400 രൂപയിലധികം വില വർധിച്ചത്.
