കണ്ണൂർ: കനത്ത കാറ്റും മഴയും ആയതിനാൽ സ്കൂളുകൾക്ക് ജില്ലാ കളക്ടർ അവധി പ്രഖ്യാപിച്ചിരുന്നുവെങ്കിലും തങ്ങളുടെ സേവന സന്നദ്ധതക്ക് അവധി കൊടുക്കാൻ വിദ്യാർഥികൾ തയ്യാറായിരുന്നില്ല.. തങ്ങളുടെ വീടുകളിൽ നിന്നും ഇലയിൽ പൊതിഞ്ഞ വിഭവസമൃദ്ധമായ ഭക്ഷണവുമായാണ് വിദ്യാർത്ഥികൾ കണ്ണൂരിലെ തെരുവിൽ എത്തിയത്.
തെരുവിൽ കഴിയുന്ന വയറെരിയുന്നവരുടെ മിഴി നിറയാതിരിക്കാൻ പോലീസ്- ബി ഡി കെ അക്ഷയ പാത്രത്തിലൂടെയാണ് അവർ തങ്ങളുടെ സേവന സന്നദ്ധത പ്രകടമാക്കിയത്.
നൂറോളം പൊതിച്ചോറുകൾ അക്ഷയ പാത്രത്തിലൂടെ അവർ വിതരണം ചെയ്തു. കണ്ണൂർ
എസിപി ഓഫീസിലെ പോലീസ് ഉദ്യോഗസ്ഥനും അക്ഷയപാത്രം കോഡിനേറ്റവുമായ എ വി സതീഷ് ബ്ലാത്തൂർ ഉദ്ഘാടനം ചെയ്തു.
അക്ഷയപാത്രം വളണ്ടിയർമാരായ വേങ്ങാട് സാന്ത്വനം ട്രസ്റ്റ് ചെയർമാൻ പ്രദീപൻ തൈക്കണ്ടി, ബ്ലഡ് ഡോണേഴ്സ് കേരള സംസ്ഥാന ജനറൽ സെക്രട്ടറി വി പി സജിത്ത്, ജില്ലാ പ്രസിഡണ്ട് കെ പി ബിന്ദു ബാലകൃഷ്ണൻ, അഖിൽ ഫോൺ ടെക്, സ്കൂൾ എൻഎസ്എസ് പ്രോഗ്രാം ഓഫീസർ പി എസ് സുശാന്ത്, എം കെ മനേഷ് മാസ്റ്റർ, എന്നിവർ സംസാരിച്ചു
സ്കൂൾ അധ്യാപകരായ കെ പി ശാലിനി, ഐ ജെ ഷീബ, എൻഎസ്എസ് വളണ്ടിയർ ലീഡർ അമാന്റ എലിസബത്ത്,,പി ടി സായന്ത്,യദുനന്ദ് രഞ്ജിത്ത്, എ കെ ആദിത്യൻ തുടങ്ങിയവർ നേതൃത്വം നൽകി.
