സംസ്ഥാനത്ത് വീണ്ടും ജീവനെടുത്ത് കാട്ടാനയാക്രമണം: ഒരാള്‍ കൊല്ലപ്പെട്ടു
ജാർഖണ്ഡ് സ്വദേശി ഷാരൂ ആണ് മരിച്ചത്.
ഇന്ന് രാവിലെ 9.30 ഓടെയാണ് സംഭവം. അരയാട് എസ്റ്റേറ്റിലെ തൊഴിലാളിയാണ് മരിച്ച ഷാരൂ. ടാപ്പിങ് ജോലി കഴിഞ്ഞ് താമസ സ്ഥലത്തേക്ക് മടങ്ങുന്നതിനിടെയാണ് ആന ആക്രമിച്ചത്.
സംഭവ സ്ഥലത്ത് വച്ച്‌ തന്നെ ഷാരൂ മരിച്ചു. ഇന്നലെ മുതല്‍ പ്രദേശത്ത് കാട്ടാനയുണ്ടായിരുന്നുവെന്നാണ് വിവരം.
അതിനിടെ കണ്ണൂർ ഇരിട്ടി പേരട്ട ജനവാസ കേന്ദ്രത്തില്‍ കാട്ടാന ഇറങ്ങി. ഇന്ന് പുലർച്ചെയാണ് കാട്ടാന ഇറങ്ങിയത്. റോഡിലൂടെ പോവുകയായിരുന്ന ഇരുചക്രവാഹന യാത്രികൻ തലനാരിഴയ്ക്കാണ് രക്ഷപ്പെട്ടത്.
