ഹരിപ്പാട്: പേരകട് എംഎസ്‌സി എൽ.പി സ്കൂളിലെ നാലാം ക്ലാസ് വിദ്യാർത്ഥിക്ക് നേരെ ജാതി അധിക്ഷേപം നടത്തിയെന്ന് ആരോപണം. പ്രധാനാധ്യാപിക ഗ്രേസിക്കെതിരെ ഹരിപ്പാട് പൊലീസ് കേസ് രജിസ്റ്റർ ചെയ്തു.
വിദ്യാർത്ഥിയെ 'കരിങ്കുരങ്ങ്', 'കരിവേടൻ' എന്നീ നാമങ്ങൾ വിളിക്കുകയും, പുലയരാണല്ലോ എന്നു പറഞ്ഞ് അപമാനിക്കുകയും ചെയ്തെന്നും, കുട്ടിയെ ദേഹോപദ്രവം ചെയ്തതായും പരാതിയിലുണ്ട്. കുഞ്ഞിനെ ഒരു ദിവസം മുഴുവൻ മൂത്രമൊഴിക്കാൻ പോലും അനുവദിച്ചില്ലെന്നും, കൈയിൽ അടിയേറ്റ പാടുകൾ കണ്ടെത്തിയതിനെ തുടർന്നാണ് മാതാവ് പരാതി നൽകിയത്.
പരാതി അറിയിച്ചപ്പോൾ പ്രധാനാധ്യാപിക മറുപടിയായി "പുലയരല്ലേ നീഒക്കെ, എവിടെയെങ്കിലും പരാതി കൊടുക്കൂ, തനിക്ക് ഒന്നും സംഭവിക്കില്ല" എന്നും പറഞ്ഞതായി മാതാവ് ആരോപിച്ചു.
ബാലാവകാശ കമ്മീഷനിലേക്കും മാതാവ് പരാതി നൽകിയിട്ടുണ്ട്. അധ്യാപികയ്ക്കെതിരെ നിയമനടപടി ആവശ്യപ്പെട്ടാണ് പരാതി.
