തൃശൂര്‍: ബൈക്ക് പൊടുന്നനെ ബ്രേക്കിട്ട് നിര്‍ത്തിയപ്പോള്‍ പിന്നാലെ വന്ന ലോറിയിടിച്ചു കയറി ദമ്പതികള്‍ മരിച്ചു. ദേശീയപാതയില്‍ വഴക്കുംപാറ മേല്‍പാതയിലാണ് സംഭവം. ബൈക്കില്‍ യാത്ര ചെയ്ത ദമ്പതികള്‍ റോഡില്‍ വീണ ഹെല്‍മെറ്റ് എടുക്കാന്‍ ശ്രമിക്കുമ്പോള്‍ പിന്നില്‍ വന്ന ലോറിയിടിക്കുക ആയിരുന്നു. എറണാകുളം സ്വദേശികളായ സ്ത്രീയും പുരുഷനും ആണ് മരിച്ചതെന്നാണ് പ്രാഥമിക സൂചന. പാലക്കാട്ടുനിന്നു തൃശൂരിലേക്ക് പോകുന്ന പാതയില്‍ ഞായറാഴ്ച രാത്രി ഒന്‍പതിനായിരുന്നു അപകടം.
ഹെല്‍മറ്റ് ബൈക്കില്‍നിന്നു റോഡിലേക്ക് തെറിച്ചുവീണപ്പോള്‍ ബൈക്ക് പെട്ടെന്ന് നിര്‍ത്തുകയായിരുന്നു. ഈ സമയം പിന്നാലെ വന്ന പാല്‍ കയറ്റി വരികയായിരുന്നു ലോറി ബൈക്കിലേക്ക് ഇടിച്ചുകയറി. ഇടിയുടെ ആഘാതത്തില്‍ ബൈക്കിന്റെ പകുതിയോളം ഭാഗവും രണ്ടു യാത്രക്കാരും ലോറിയുടെ ടയറിനടിയില്‍ കുടുങ്ങി. ഇരുവരുടെയും ശരീരത്തിലൂടെ ലോറിയുടെ ചക്രങ്ങള്‍ കയറിയിറങ്ങുകയായിരുന്നു