സൗദി: ഭക്ഷ്യ വിഷബാധയെ തുടർന്ന് മൂന്ന് വയസുകാരൻ സൗദിയില്‍ മരിച്ചു. കണ്ണൂർ വള്ളിത്തോട് സ്വദേശി ശംസുദ്ദീൻ ആമ്പിലോത്തിന്റെ മകൻ മുഹമ്മദ് ആദമാണ് മരിച്ചത്.
പെരുന്നാള്‍ ദിനത്തില്‍ മദീനയില്‍ നിന്ന് മടങ്ങുമ്പോള്‍ കേരള ഹോട്ടലില്‍ നിന്ന് ഭക്ഷണം കഴിച്ചതിനെ തുടർന്നാണ് ആരോഗ്യ പ്രയാസമുണ്ടായതെന്ന് കുടുബം പറഞ്ഞു. ആശുപത്രിയില്‍ പ്രവേശിപ്പിച്ചുവെങ്കിലും മരണപ്പെടുകയായിരുന്നു.
സൗദി സന്ദർശനത്തിനായി എത്തിയതായിരുന്നു ശംസുദ്ദീന്റെ കുടുംബം. സ്വകാര്യ ഉംറ ഏജൻസിക്ക് കീഴില്‍ ഉംറ നിർവഹിച്ചു മടങ്ങുമ്പോഴായിരുന്നു ഭക്ഷണം കഴിച്ചത്.
സഹയാത്രികർക്കും കുടുംബത്തിനും ആരോഗ്യ പ്രയാസം നേരിട്ടിരുന്നു. മരിച്ച ആദമിന്റെ സഹോദരൻ ആരോഗ്യ പ്രയാസങ്ങള്‍ കാരണം കഴിഞ്ഞ ദിവസങ്ങളില്‍ ആശുപത്രിയില്‍ ചികിത്സ തേടിയിരുന്നു.
സാമൂഹ്യ പ്രവർത്തകരുടെ നേതൃത്വത്തില്‍ നടപടി ക്രമങ്ങളും നിയമ നടപടിയും പൂർത്തിയാക്കുന്നുണ്ട്.
