സംസ്ഥാനത്ത് രണ്ടുമാസത്തിനിടെ നടന്ന 63 കൊലപാതകങ്ങളിൽ പകുതിയോളം കേസുകളിൽ വില്ലനായത് ലഹരി

 കേരളത്തിൽ രണ്ടുമാസത്തിനിടെ 63 കൊലപാതകങ്ങൾ നടന്നെന്ന് പൊലീസ്. ഇതിൽ 30 കൊലപാതകങ്ങൾക്കും ലഹരി ഉപയോ​ഗവുമായി ബന്ധമുണ്ടെന്നും പൊലീസ് വ്യക്തമാക്കുന്നു.

രാസലഹരിയോ മദ്യമോ ഉപയോഗിച്ചശേഷമാണ് ഈ കേസുകളിൽ പ്രതികൾ കൃത്യം നടത്തിയിട്ടുള്ളത്. പൊലീസ് നടത്തിയ അവലോകന യോ​ഗത്തിലാണ് ഇക്കാര്യം വ്യക്തമാക്കുന്നത്. 

രണ്ടുമാസത്തിനിടെ നടന്ന 50 കൊലപാതകങ്ങൾ വീടിനുള്ളിൽ നടന്നതോ സുഹൃത്തുക്കളുമായുണ്ടായ വഴക്കിനെത്തുടർന്നുണ്ടായതോ ആണെന്നും പൊലീസ് വ്യക്തമാക്കുന്നു. ഇക്കൊല്ലമുണ്ടായ കുറ്റകൃത്യങ്ങളിൽ 20 ശതമാനവും ലഹരിബന്ധമുള്ളതാണെന്നാണ് വിലയിരുത്തൽ. കേരളത്തിൽ ലഹരിയുടെ ആവശ്യക്കാർ വർധിക്കുന്നതായാണ് പൊലീസ് നടത്തിയ അവലോകനത്തിൽ കണ്ടെത്തിയത്.