ചെങ്ങന്നൂർ: കുത്തി വെപ്പിന് പിന്നാലെ പനി ബാധിച്ച്‌ ചികിത്സയിലിരുന്ന പിഞ്ചു കുഞ്ഞ് മരിച്ചു. മാന്നാർ കുരട്ടിശ്ശേരി കടമ്പാട്ട് കിഴക്കേതില്‍ പാർവതിയുടെയും കായംകുളം ഒറ്റത്തെങ്ങില്‍ കൊച്ചുമോന്റെയും ഒൻപതു മാസം പ്രായമുള്ള മകള്‍ കൈവല്യയാണ് മരിച്ചത്.
രണ്ടു ദിവസം മുമ്പാണ് കുഞ്ഞിന് ഒമ്പതാം മാസത്തിലെ പ്രതിരോധ കുത്തിവെയ്പ്പ് നല്‍കിയത്. അന്ന് വൈകീട്ട് പനി ബാധിച്ചതിനെ തുടർന്ന് പരുമലയിലെ സ്വകാര്യ ആശുപത്രിയില്‍ ചികിത്സ തേടിയിരുന്നു. ഞായറാഴ്ച പനി മൂർച്ഛിച്ചതിനെ തുടർന്ന് വീണ്ടും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം പിന്നീട്.
