പ്രധാനമന്ത്രി നരേന്ദ്ര മോദിയുടെ സന്ദര്‍ശനത്തിന് മുന്നോടിയായി മുംബൈയിലെ ചേരികള്‍ വെളുത്ത ഷീറ്റുകള്‍ കൊണ്ട് മറച്ചു. ഛത്രപതി ശിവജി ടെര്‍മിനല്‍ സ്റ്റേഷനിലേക്ക് പോകുന്ന പി ഡിമെല്ലോ റോഡിലെ രണ്ടു ഭാഗങ്ങളിലെയും ചേരികളെയാണ് വെളുത്ത ഷീറ്റുകള്‍ കൊണ്ട് മറച്ചിരിക്കുന്നത്.
പ്രാഥമിക സൗകര്യങ്ങള്‍ പോലും നിഷേധിക്കപ്പെട്ട ദിവസ കൂലി വരുമാനത്തില്‍ ജീവിക്കുന്ന വലിയൊരു ജനവിഭാഗമാണ് ഈ പ്രദേശങ്ങളില്‍ വസിക്കുന്നത്. വലിയ വികസന പദ്ധതികള്‍ക്ക് തുടക്കമിടുമ്പോഴും ലക്ഷക്കണക്കിന് ചേരി നിവാസികളുടെ ദുരിത ജീവിതമാണ് ഷീറ്റുകള്‍ക്ക് പുറകില്‍ വിസ്മരിക്കപ്പെടുന്നത്. കോവിഡിന് ശേഷം പതിനായിരങ്ങളാണ്‌ തൊഴില്‍ നഷ്ടപ്പെട്ടും വരുമാനമില്ലാതെയും പ്രതിസന്ധിയിലായത്.
