പ്രവാസികൾക്ക് നാട്ടിലേക്ക് പണമയയ്ക്കാൻ തിരക്ക്, ചരിത്രത്തിലെ ഏറ്റവും ഉയർന്ന നിരക്കിൽ ദിർഹം

ദുബായ്: രൂപയ്ക്ക് വീണ്ടും തിരിച്ചടി. വലിയ തകർച്ചാണ് കഴിഞ്ഞ ദിവസങ്ങൾ ആയി തുടർന്നു കൊണ്ടിരിക്കുന്നത്. ദിർഹവുമായുള്ള വിനിമയത്തിൽ 8 പൈസയുടെ തകർച്ചയാണ് ഇപ്പോൾ രേഖപ്പെടുത്തിയിരിക്കുന്നത്. ഒരു ദിർഹത്തിന്റെ വില 21.74 എന്ന സർവകാല റെക്കോർഡിലെത്തിയിരിക്കുകയാണ് ഇപ്പോൾ. 21.72ൽ ആണ് ഇന്നലെ വ്യാപരം അവസാനിപ്പിച്ചത്. വൈകിട്ടോടെ 2 പൈസ കൂടി താഴ്ന്നു ഏറ്റവും ഉയരത്തിൽ എത്തിയിരിക്കുകയാണ്. രൂപയുടെ മൂല്യം ഇടിഞ്ഞതോടെ നാട്ടിലേക്ക് പണം അയക്കുന്നവരുടെ എണ്ണം കൂടി. ഗൾഫ് രാജ്യങ്ങളിലെ നിരവധി ധനകാര്യ സ്ഥാപനങ്ങളിൽ വലിയ തിരക്കാണ് നാട്ടിലേക്ക് പണം അയക്കാൻ അനുഭവപ്പെടുന്നത്.
പലരും കടം വാങ്ങി നാട്ടിലേക്ക് പണം അയക്കുന്നുണ്ട്. ചെറിയ ജോലികൾ ചെയ്യുന്നവർ ഉൾപ്പടെ നാട്ടിലേക്ക് പണം അയക്കുന്ന തിരക്കിലാണ്. കൂടുതൽ പണം നാട്ടിലേക്ക് അയക്കുന്നവർക്ക് സാമ്പത്തിക ബാധ്യത ഉണ്ടാകും എന്നാണ് വിലയിരുത്തുന്നത്. രൂപയുടെ മൂല്യം ഇടിഞ്ഞത് ഇന്ത്യയിൽ വലിയ സാമ്പത്തിക നഷ്ടം ഉണ്ടാകും എന്നാണ് കണക്കുക്കൂട്ടുന്നത്. പലിശക്ക് പണം എടുത്ത് പലരും നാട്ടിലേക്ക് പണം അയക്കുന്നുണ്ട്.