തിരുവനന്തപുരം: മലേഷ്യയ്ക്കും മലാക്ക കടലിടുക്കിനും മുകളില് രൂപപ്പെട്ട ന്യൂനമര്ദ്ദം വരും മണിക്കൂറിൽ തെക്കന് ബംഗാള് ഉള്ക്കടലില് ചുഴലിക്കാറ്റായി രൂപാന്തരം പ്രാപിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ്.
ഇതിന്റെ സ്വാധീന ഫലമായി കേരളത്തില് നാളെ വരെ ഇടിമിന്നലോട് കൂടിയ മഴയും ഇന്ന് ഒറ്റപ്പെട്ട ശക്തമായ മഴയും ലഭിക്കുമെന്നാണ് കാലാവസ്ഥ വകുപ്പിന്റെ കണക്കുകൂട്ടല്.
ന്യൂനമര്ദ്ദം ചുഴലിക്കാറ്റായി ശക്തിപ്പെട്ടാല് റൊട്ടേഷന് അനുസരിച്ച് അതിന് 'സെന്യാര്' എന്ന പേരിടും. 'സിംഹം' എന്ന് അർഥം വരുന്ന പേര് യുണൈറ്റഡ് അറബ് എമിറേറ്റ്സ് ആണ് നല്കിയത്.
കന്യാകുമാരി കടലിന് സമീപത്തായി തുടരുന്ന ചക്രവാതച്ചുഴി കന്യാകുമാരി കടല്, ശ്രീലങ്ക, തെക്ക് പടിഞ്ഞാറന് ബംഗാള് ഉള്ക്കടല് എന്നിവയ്ക്ക് മുകളില് ന്യൂനമര്ദ്ദമായി ശക്തി പ്രാപിച്ചു.
