കാസർഗോഡ്: പരീക്ഷയ്ക്ക് എത്തിയ യുവതിയുടെ ഹാള്‍ടിക്കറ്റ് പാറിയെടുത്ത് പറന്നു പോയ ഒരു പരുന്ത്... ഒടുവില്‍ പരീക്ഷ എഴുതാൻ യുവതി നടത്തിയ ശ്രമങ്ങള്‍ സിനിമാ തുല്യമായിരുന്നു.
കാസർഗോഡിലെ ഒരു സർക്കാർ യു.പി സ്കൂളില്‍ വകുപ്പ് തല പരീക്ഷയ്ക്കിടെ സംഭവിച്ച ഈ അത്യന്തം വിചിത്രമായ അനുഭവം സമൂഹ മാധ്യമങ്ങളില്‍ പോലും ചർച്ചയായിരിക്കുകയാണ്.
നീലേശ്വരം തൈക്കടപ്പുറം സ്വദേശിനിയായ അശ്വതി ആണ് ഈ അത്ഭുതാനുഭവത്തിലൂടെ കടന്ന് പോയത്. രാവിലെ 7.30 ന് തുടങ്ങേണ്ട ഡിപ്പാർട്ട്മെന്റല്‍ പരീക്ഷക്കായി അശ്വതി സ്കൂളിലെത്തിയപ്പോള്‍ ഹാള്‍ ടിക്കറ്റ് കൈവശം ഉണ്ടായിരുന്നു.
പരീക്ഷ എഴുതാൻ എത്തിച്ചേരുന്ന ഏകദേശം 300 പേരില്‍ ഒരാളായ അശ്വതി ബാഗ് സ്ട്രോങ് റൂമില്‍ വച്ച ശേഷം പുറത്ത് കാത്തു നില്‍ക്കുമ്പോഴായിരുന്നു സംഭവം.
അശ്വതിയുടെ കയ്യില്‍ ഉണ്ടായിരുന്ന ഹാള്‍ ടിക്കറ്റിന്റെ നേരെ അപ്രതീക്ഷിതമായി ഒരു വലിയ പരുന്ത് പറന്നു വന്നു. ടിക്കറ്റ് റാഞ്ചിയെടുത്ത് സ്കൂളിന്റെ മുകളിലത്തെ ജനല്‍പ്പാളിക്ക് മുകളിലേക്ക് പറന്നു.
ഹാള്‍ ടിക്കറ്റില്ലാതെ പരീക്ഷ എഴുതാൻ കഴിയാത്തതിനാല്‍ അശ്വതിയും മറ്റു പരീക്ഷാർത്ഥികളും ചേർന്ന് ടിക്കറ്റ് തിരികെ വാങ്ങാനുള്ള ശ്രമം തുടങ്ങി എന്നാല്‍ ശ്രമങ്ങള്‍ എല്ലാം പരാജയപ്പെട്ടു.
പരുന്ത് ഹാള്‍ ടിക്കറ്റ് താഴേക്ക് ഇടാതെ ആയപ്പോള്‍ പരീക്ഷ എഴുതാതെ തിരിച്ച്‌ പോകാൻ നില്‍ക്കവേ ഹാള്‍ ടിക്കറ്റ് പരുന്തില്‍ നിന്ന് തിരിച്ചു കിട്ടി.
ഈ സാഹചര്യങ്ങളിലൂടെ കടന്ന് പോയിട്ടും പരീക്ഷ എഴുതാൻ കഴിഞ്ഞതില്‍ അശ്വതിക്ക് ആശ്വാസമാവുകയായിരുന്നു.
വിവിധ പരീക്ഷാ കേന്ദ്രങ്ങളില്‍ പലതരം സംഭവങ്ങള്‍ കാണാറുണ്ടെങ്കിലും, പറന്നു വന്ന പരുന്ത് ഹാള്‍ ടിക്കറ്റ് റാഞ്ചിയ സംഭവം കേരള വിദ്യാഭ്യാസ മേഖലയിലെ ഏറ്റവും വിചിത്രമായവയില്‍ ഒന്നായി മാറിക്കഴിഞ്ഞു.
