തിരുവനന്തപുരം :അങ്കണവാടികളില്‍ ഉപ്പുമാവിന് പകരം ബിരിയാണി വിളമ്പി തിരുവനന്തപുരത്തെ നെടുമങ്ങാട് നഗരസഭ. വാർഡ് കൗണ്‍സിലറിന്‍റെയും സുഹൃത്തുക്കളുടെയും സഹായത്തോടെയാണ് കുട്ടികള്‍ക്ക് ചിക്കൻ ബിരിയാണി വിതരണം ചെയ്തത്.
കടയില്‍ നിന്ന് വാങ്ങിയാണ് ഇത്തവണ നല്‍കിയതെങ്കില്‍, ഇനിമുതല്‍ പാകം ചെയ്ത് നല്‍കാനാണ് ഇവരുടെ തീരുമാനം.
അങ്കണവാടികളില്‍ ഉപ്പുമാവിന് പകരം ബിരിയാണി നല്‍കണമെന്ന് ആലപ്പുഴയിലെ ശങ്കു എന്ന കുഞ്ഞിന്റെ ആവശ്യം സമൂഹ്യമാധ്യമങ്ങളില്‍ വൈറല്‍ ആയിരുന്നു. പിന്നാലെ, ആവശ്യം പരിഹരിക്കാമെന്ന് മന്ത്രി വീണാ ജോർജ് അറിയിക്കുകയും ചെയ്തു. ഇതോടെയാണ് തിരുവനന്തപുരം നെടുമങ്ങാട് നഗരസഭ, 26-ാം വാർഡിലെ അങ്കണ്‍വാടികളില്‍ കുട്ടികള്‍ക്ക് ബിരിയാണി വിളമ്പിയത്..
പേരുമല, മരുതറ എന്നിവടങ്ങളിലെ അങ്കണവാടികളില്‍ വാർഡ് കൗണ്‍സിലർ ബിജുവും സുഹൃത്തുക്കളും ബിരിയാണി വിതരണം ചെയ്തു. ഇത്തവണ കടകളില്‍ നിന്ന് വാങ്ങിയാണ് കുട്ടികള്‍ക്ക് ബിരിയാണി നല്‍കിയതെങ്കില്‍, വരും ദിവസങ്ങളില്‍ പാകം ചെയ്ത് നല്‍കാനാണ് തിരുമാനം.
അങ്കണവാടിയില്‍ ഉപ്പുമാവ് വേണ്ട ബിർണാണിയും പൊരിച്ച കോഴിയും വേണമെന്ന ശങ്കുവിന്റെ നിഷ്കളങ്കമായ ആഗ്രഹം പറയുന്ന്. വീഡിയോ അമ്മയാണ് സാമൂഹിക മാധ്യമങ്ങളില്‍ പങ്ക് വെച്ചത്
