2024 -2025 അധ്യയന വർഷത്തെ എല്എസ്എസ് , യുഎസ്എസ്. (LSS/USS) പരീക്ഷകള് 2025 ഫെബ്രുവരി 27ന് നടക്കും. ഇരു പരീക്ഷകള്ക്കും രണ്ട് പേപ്പറുകള് വീതമായിരിക്കും.
രാവിലെ 10.15 മുതല് 12 വരെ പേപ്പർ ഒന്നും ഉച്ചയ്ക്ക് 1.15 മുതല് മൂന്നു വരെ പേപ്പർ രണ്ട് പരീക്ഷയും നടക്കും. പരീക്ഷയ്ക്ക് ഫീസ് ഇല്ല. അർഹതയുള്ള കുട്ടികളുടെ വിവരങ്ങള് സ്കൂള് ഹെഡ്മാസ്റ്റർ ഡിസംബർ 30 മുതല് ജനുവരി 15വരെ രജിസ്റ്റർ ചെയ്യണം.
കേരളത്തിലെ പൊതു വിദ്യാലയങ്ങളില് ഈ അധ്യയന വർഷം നാലാം ക്ലാസില് പഠിക്കുന്നതും രണ്ടാം ടേം പരീക്ഷയില് മലയാളം , ഇംഗ്ലീഷ്, ഗണിതം, പരിസര പഠനം എന്നീ വിഷയങ്ങളില് എ ഗ്രേഡ് നേടിയിട്ടുള്ളതുമായ വിദ്യാർഥികള്ക്ക് എല്എസ്എസ് പരീക്ഷ എഴുതാം.
മേല്പ്പറഞ്ഞ വിഷയങ്ങളില് ഏതെങ്കിലും ഒന്നില് മാത്രം ബി ഗ്രേഡ് ആയവർക്ക് ഉപജില്ലാ തല കലാ, കായിക, പ്രവൃത്തി പരിചയ, ഗണിത, സാമൂഹ്യ ശാസ്ത്ര മേളകളില് ഏതെങ്കിലും ഇനത്തില് 'എ' ഗ്രേഡോ ഒന്നാം സ്ഥാനമോ നേടിയിട്ടുണ്ടെങ്കില് പരീക്ഷയെഴുതാം. 2024- 25 അധ്യയന വർഷത്തെ നാലാം ക്ലാസിലെ മുഴുവൻ പാഠ ഭാഗങ്ങളും ഉള്പ്പെടുത്തിയിട്ടുണ്ട്.
പേപ്പർ ഒന്നില് ഒന്നാം ഭാഷ (മലയാളം/കന്നഡ/തമിഴ്), ഇംഗ്ലീഷ്, പൊതു വിജ്ഞാനം. പേപ്പർ രണ്ടില് പരിസരപഠനം, ഗണിതം. കേരളത്തിലെ പൊതു വിദ്യാലയങ്ങളില് ഈ അധ്യയന വർഷം ഏഴാം ക്ലാസില് പഠിക്കുന്നവർക്ക് യുഎസ്എസ് പരീക്ഷയില് പങ്കെടുക്കാം.
രണ്ടാം ടേം പരീക്ഷയില് എല്ലാ വിഷയങ്ങള്ക്കും എ ഗ്രേഡ് വേണം. ഭാഷാ വിഷയങ്ങളില് രണ്ടു പേപ്പറുകള്ക്ക് എ ഗ്രേഡും ഒന്നില് ബി ഗ്രേഡും ലഭിച്ചവർക്കും ശാസ്ത്ര വിഷയങ്ങളില് രണ്ടെണ്ണത്തിന് എ ഗ്രേഡും ഒന്നിന് ബി ഗ്രേഡും ലഭിച്ചവർക്കും പരീക്ഷ എഴുതാം.
രണ്ടു പേപ്പറുകള്ക്കും മൂന്ന് പാർട്ടുകള് ഉണ്ടാകും. പേപ്പർ ഒന്നില് ഒന്നാം ഭാഷ ഭാഗം 1, ഭാഗം 2, ഗണിതം എന്നിവയായിരിക്കും ഉണ്ടായിരിക്കുക. പേപ്പർ രണ്ടില് ഇംഗ്ലീഷ്, അടിസ്ഥാന ശാസ്ത്രം, സാമൂഹ്യ ശാസ്ത്രം എന്നിങ്ങനെയാകും വരിക. ഈ അധ്യയന വർഷത്തെ ഏഴാം ക്ലാസിലെ മുഴുവൻ പാഠഭാഗങ്ങളും പരീക്ഷയ്ക്ക് ഉള്പ്പെടുത്തിയിട്ടുണ്ട്. കൂടുതല് വിവരങ്ങള്ക്ക് പരീക്ഷാ ഭവനുമായി ബന്ധപ്പെടുക.
