കേരളം: ബലാത്സംഗ കേസില്‍ നടന്‍ സിദ്ദിഖിന് സുപ്രീംകോടതി ഇടക്കാല ആശ്വാസം നല്‍കി. രണ്ടാഴ്ചത്തേക്ക് അദ്ദേഹത്തിന്റെ അറസ്റ്റ് തടഞ്ഞുകൊണ്ടാണ് കോടതി ഉത്തരവിട്ടത്. അതേസമയം, ട്രയല്‍ കോടതി നടപടികളും അന്വേഷണവും തുടരാന്‍ കോടതി അനുമതി നല്‍കി.
കേസുമായി ബന്ധപ്പെട്ട് സംസ്ഥാന സര്‍ക്കാരിന് സുപ്രീംകോടതി നോട്ടീസ് നല്‍കി. കാലതാമസം ഉള്‍പ്പെടെയുള്ള കാര്യങ്ങളില്‍ വിശദീകരണം ആവശ്യപ്പെട്ടാണ് നോട്ടീസ് നല്‍കിയത്. എട്ടുവര്‍ഷത്തോളം എന്ത് ചെയ്യുകയായിരുന്നുവെന്ന് സുപ്രീംകോടതി സര്‍ക്കാരിന് വേണ്ടി ഹാജരായ അഭിഭാഷകയോട് ചോദിച്ചു.ഈ കേസില്‍ സുപ്രീംകോടതിയുടെ ഇടപെടല്‍ നിര്‍ണായകമാണ്. കേസിന്റെ നടപടിക്രമങ്ങള്‍ തുടരുമ്പോള്‍ തന്നെ പ്രതിക്ക് താല്‍ക്കാലിക സംരക്ഷണം നല്‍കിയിരിക്കുകയാണ് കോടതി. അതേസമയം, കേസിലെ കാലതാമസത്തെക്കുറിച്ച് സര്‍ക്കാരിനോട് വിശദീകരണം ആവശ്യപ്പെട്ടിരിക്കുകയാണ് സുപ്രീംകോടതി.
