കണ്ണൂര്: കണ്ണൂര് കുടിയാന്മലയിലെ മലയോര മേഖല പുലി ഭീതിയില്. കഴിഞ്ഞ ദിവസം രാത്രിയില് വലിയ അരീക്കമല ചോലങ്കരി ബിനോയിയുടെ വീട്ടിലെ തൊഴുത്തില് നിന്നിരുന്ന മൂന്ന് ആടുകളെ അജ്ഞാത മൃഗം ആക്രമിച്ച് കൊന്നു.
പുലി ആക്രമിച്ചതാകാം എന്ന ഭീതിയിലാണ് നാട്ടുകാര്. ദിവസങ്ങള്ക്ക് മുന്പ് ഇവിടെ പുലി ഇറങ്ങിയിരുന്നു. ഇത് തന്നെയാകാം ആടുകളെ ആക്രമിച്ചതെന്നാണ് നാട്ടുകാര് പറയുന്നത്. വനം വകുപ്പ് ഉദ്യോഗസ്ഥര് സ്ഥലം സന്ദര്ശിച്ച് പരിശോധന നടത്തി. പ്രദേശത്തുള്ള ടാപ്പിംഗ് തൊഴിലാളികളും കര്ഷകരും ഭീതിയിലാണ്. വനത്തിനോട് ചേര്ന്ന് കാടിന് സമാനമായി കാടു പിടിച്ചു കിടക്കുന്ന സ്ഥലം വെട്ടിത്തെളിക്കാന് നടപടി സ്വീകരിക്കണമെന്നാണ് നാട്ടുകാര് ആവശ്യപ്പെട്ടു.
ഇതില് പല സ്ഥലങ്ങളും ഭുവുടമ സ്ഥലത്തിലാത്തതിനാലാണ് കാട് പിടിച്ചു കിടക്കുന്നത്. ഇത് വെട്ടിത്തെളിക്കാന് നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. പുലിക്ക് പുറമേ കാട്ടുപന്നി, കുരങ്ങന്, മയില് എന്നിവയുടെ ശല്യവും നാട്ടുകാര് നേരിടുന്നുണ്ട്.
കാടിറങ്ങി ജനവാസ കേന്ദ്രങ്ങളില് വന്യ മൃഗങ്ങള് ഭീതി പടര്ത്തുന്ന സാഹചര്യം ഒഴിവാക്കണം. ഇതിനാവശ്യമായ ക്രമീകരണം ഒരുക്കണമെന്നും നാട്ടുകാര് ആവശ്യപ്പെട്ടു. പ്രദേശത്തുള്ള ടാപ്പിംഗ് തൊഴിലാളികളും കര്ഷകരും ഭീതിയിലാണ്.
