തിരുവനന്തപുരം: ഷവർമ വില്ക്കുന്ന ഭക്ഷണശാലകളില് കർശന പരിശോധന നടത്തണമെന്ന് ഹൈക്കോടതി. ഭക്ഷണശാലകള് ഭക്ഷ്യ സുരക്ഷാ നിയമങ്ങള് പാലിക്കുന്നുണ്ടോയെന്ന് ഉറപ്പാക്കണം.
2022ല് കാസർഗോഡ് ഷവർമ കഴിച്ച് 16 വയസുകാരി മരിച്ച കേസിലാണ് ഹൈക്കോടതി നടപടി. ഭക്ഷ്യസുരക്ഷാ മാനദണ്ഡങ്ങള് പാലിക്കാത്ത ഭക്ഷണശാലകളുടെ ലൈസൻസ് റദ്ദാക്കണമെന്ന് ഹൈക്കോടതി നിർദേശം നല്കി.
ഭക്ഷണശാലകള്ക്കെതിരെ കർശന നടപടി സ്വീകരിക്കണമെന്ന് സർക്കാരിനോട് ഹൈക്കോടതി നിർദേശം നല്കി. സംസ്ഥാനത്ത് ഷവർമ കഴിച്ച് നിരവധി പേർക്ക് ഭക്ഷ്യ സുരക്ഷയേറ്റിരുന്നു. സംസ്ഥാനത്ത് ഷവർമ ഉണ്ടാക്കുന്നതിന് മാർഗനിർദേശങ്ങള് ഉള്പ്പെടെ സർക്കാർ പുറത്തിറക്കിയിരുന്നു. ലൈസൻസില്ലാതെ ഷവർമ വിറ്റാല് 5 ലക്ഷം രൂപ വരെ പിഴയും 6 മാസം വരെ തടവും നിർദേശിക്കുന്ന വിവിധ മാർഗനിർദേശങ്ങള് ആരോഗ്യ വകുപ്പ് പുറത്തിറക്കിയിരുന്നു.
കാസർഗോഡ് ഷവർമ കഴിച്ച് 16 വയസുകാരി കേസിലെ നഷ്ടപരിഹാര ആവശ്യം ഉടൻ തീർപ്പാക്കാൻ വിചാരണക്കോടതിക്ക് ഹൈക്കോടതിയുടെ നിർദേശം. സംസ്ഥാനത്ത് ഷവർമ കഴിച്ച് നിരവധി പേർക്ക് ഭക്ഷ്യ സുരക്ഷയേറ്റിരുന്നു. അന്നത്തെ ഭക്ഷ്യവിഷബാധയെത്തുടര്ന്ന് ചെറുവത്തൂരിലെ ഐഡിയല് ഫുഡ്പോയന്റ് ഭക്ഷ്യസുരക്ഷാ ജീവനക്കാരെത്തി അടപ്പിച്ചിരുന്നു.
സ്ഥാപനത്തിന് ഭക്ഷ്യസുരക്ഷാ ലൈസന്സിലായിരുന്നു. കൂടാതെ ചെറുവത്തൂര് ഐഡിയല് ഫുഡ്പോയിന്റ് മാനേജിങ് പാര്ട്ണര് മംഗളൂരു സ്വദേശി അനക്സ്, ഷവര്മയുണ്ടാക്കിയ നേപ്പാള് സ്വദേശി സന്ദേശ് റായ് എന്നിവരെ ചന്തേര പോലീസ് അറസ്റ്റും ചെയ്തിരുന്നു. മനഃപൂര്വമല്ലാത്ത നരഹത്യ അടക്കമുള്ള വകുപ്പുകള് ചുമത്തിയാണ് ഇവര്ക്കെതിരേ കേസെടുത്തിരുന്നത്.
